Xəbərlər

Qaxda təhsil işçilərinin sentyabr konfransı keçirilib

‎Avqustun 31-də Şəki-Zaqatala Regional Təhsil İdarəsinin tabeliyində fəaliyyət göstərən Qax rayonu təhsil işçilərinin 2026–2027-ci tədris ili üzrə sentyabr konfransları keçirilib.

‎

‎Konfrans Azərbaycan Respublikasının Dövlət Himninin səsləndirilməsi ilə başlayıb, daha sonra şəhidlərin əziz xatirəsi bir dəqiqəlik sükutla yad edilib.

‎

‎Tədbirdə Qax Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Vəfa Heydərova, Şəki-Zaqatala Regional Təhsil İdarəsinin müdir müavini Hafiz Pənahov, Azərbaycan Respublikası Elm və Təhsil İşçiləri Həmkarlar İttifaqı Qax rayon komitəsinin sədri Rübail Əfəndiyeva, məktəbəqədər, ümumi və məktəbdənkənar təhsil müəssisələrinin rəhbərləri və qabaqcıl təhsil işçiləri iştirak ediblər.

‎

Konfransda rayon təhsil sektorunun rəhbəri Babək Heydərov tərəfindən ötən tədris ilinin nəticələri, əldə olunan nailiyyətlər haqqında hesabatlar təqdim edilib və qarşıda duran məsələlər müzakirə edilib. Yeni tədris ili üzrə əsas hədəflər və prioritet istiqamətlər diqqətə çatdırılıb.

‎

Çıxışlarda təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi və məktəblərdə səmərəli idarəetmənin təmin edilməsi ilə bağlı əsas vəzifələr vurğulanıb.

‎

Sonda müəyyən edilmiş hədəflərin həyata keçirilməsi və təhsil göstəricilərinin daha da yaxşılaşdırılması istiqamətində məqsədyönlü fəaliyyətin davam etdirilməsinin vacibliyi qeyd olunub.

Konfransların ikinci günü panel müzakirələri ilə davam etdiriləcək.

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

ETİHİ Qax Rayon Komitəsi ittifaqı üzvlərinin 65 illik yubileyləri qeyd olunub

Elm və Təhsil İşçiləri Həmkarlar İttifaqı (ETİHİ) Qax Rayon Komitəsi tərəfindən həmkarlar ittifaqı üzvləri – 1 nömrəli uşaq bağçasının əməkdaşı Qədirli Kəmalə Niyazi qızının və 3 nömrəli uşaq bağçasının əməkdaşı Mahmudova Surə Sadıx qızının 65 illik yubileyləri münasibətilə tədbir keçirilib.

Səmimi ab-havada keçən görüşdə yubilyarlar 65 illik yubileyləri münasibətilə təbrik olunub, onlara ən xoş arzular çatdırılıb. Bildirilib ki, uzun illər təhsil sahəsində vicdanla çalışan hər iki həmkarlar ittifaqı üzvü öz peşəkarlığı, zəhməti və məsuliyyətli fəaliyyəti ilə kollektivin hörmətini qazanıb, gənc nəslin təlim-tərbiyəsinə mühüm töhfələr verib.

Qeyd olunub ki, təhsil işçilərinin əməyinin dəyərləndirilməsi, onların sosial müdafiəsinin gücləndirilməsi və əlamətdar günlərinin diqqətdə saxlanılması ETİHİ Qax Rayon Komitəsinin fəaliyyətində mühüm istiqamətlərdən biridir.

Yubilyarların uzunillik səmərəli fəaliyyəti və təhsil sahəsinin inkişafına verdikləri töhfələr yüksək qiymətləndirilərək ETİHİ Qax Rayon Komitəsi tərəfindən onlara Fəxri fərman və xatirə hədiyyələri təqdim edilib.

Tədbirin sonunda yubilyarlara möhkəm cansağlığı, ailə səadəti və gələcək həyatlarında yeni uğurlar arzulanıb, xatirə şəkli çəkdirilib.Elm və Təhsil İşçiləri Həmkarlar İttifaqı (ETİHİ) Qax Rayon Komitəsi tərəfindən həmkarlar ittifaqı üzvləri – 1 nömrəli uşaq bağçasının əməkdaşı Qədirli Kəmalə Niyazi qızının və 3 nömrəli uşaq bağçasının əməkdaşı Mahmudova Surə Sadıx qızının 65 illik yubileyləri münasibətilə tədbir keçirilib.

Səmimi ab-havada keçən görüşdə yubilyarlar 65 illik yubileyləri münasibətilə təbrik olunub, onlara ən xoş arzular çatdırılıb. Bildirilib ki, uzun illər təhsil sahəsində vicdanla çalışan hər iki həmkarlar ittifaqı üzvü öz peşəkarlığı, zəhməti və məsuliyyətli fəaliyyəti ilə kollektivin hörmətini qazanıb, gənc nəslin təlim-tərbiyəsinə mühüm töhfələr verib.

Qeyd olunub ki, təhsil işçilərinin əməyinin dəyərləndirilməsi, onların sosial müdafiəsinin gücləndirilməsi və əlamətdar günlərinin diqqətdə saxlanılması ETİHİ Qax Rayon Komitəsinin fəaliyyətində mühüm istiqamətlərdən biridir.

Yubilyarların uzunillik səmərəli fəaliyyəti və təhsil sahəsinin inkişafına verdikləri töhfələr yüksək qiymətləndirilərək ETİHİ Qax Rayon Komitəsi tərəfindən onlara Fəxri fərman və xatirə hədiyyələri təqdim edilib.

Tədbirin sonunda yubilyarlara möhkəm cansağlığı, ailə səadəti və gələcək həyatlarında yeni uğurlar arzulanıb, xatirə şəkli çəkdirilib.

Qaxda şəhid Musayev Sahib Musa oğlunun doğum günü münasibətilə anım mərasimi keçirilib

Qax rayonunda Vətən müharibəsi şəhidi Musayev Sahib Musa oğlunun doğum günü münasibətilə anım mərasimi keçirilib.

Tədbirdə əvvəlcə Ümummilli Lider Heydər Əliyevin və Azərbaycanın ərazi bütövlüyü və suverenliyi uğrunda canlarını fəda etmiş bütün şəhidlərimizin əziz xatirəsi bir dəqiqəlik sükutla yad edilib.

Anım mərasimində Qax Rayon İcra Hakimiyyəti , Yeni Azərbaycan Partiyası Qax Rayon Təşkilatı , ETİHİ Qax Rayon Komitəsinin rəhbər şəxsləri , şəhidin ailə üzvləri, yaxınları, Qazilər, müharibə iştirakçıları, rayonun idarə, müəssisə və təşkilatlarının əməkdaşları və ictimaiyyət nümayəndələri iştirak ediblər.

Mərasim çərçivəsində şəhidin məzarı ziyarət olunub, önünə tər gül dəstələri düzülüb, ruhuna dualar oxunub. Çıxış edənlər şəhid Sahib Musayevin keçdiyi şərəfli ömür yolundan, Vətənə sədaqətindən, döyüşlərdə göstərdiyi igidlik və qəhrəmanlıq nümunələrindən bəhs edərək onun əziz xatirəsinin xalqımızın qəlbində daim yaşayacağını bildiriblər. Qeyd olunub ki, Azərbaycan xalqı öz qəhrəman övladlarını heç zaman unutmayacaq, onların əziz xatirəsi gələcək nəsillər üçün daim örnək olacaq.

Musayev Sahib Musa oğlu 21 iyul 1984-cü ildə Qax rayonunun Şotavar kəndində anadan olub. Orta təhsilini Şotavar və Qorağan kənd tam orta məktəblərində başa vurduqdan sonra 2001-ci ildə Azərbaycan Maliyyə-İqtisad Kollecinə daxil olub. Təhsil aldığı müddətdə həqiqi hərbi xidmətə çağırılıb, xidmətini başa vurduqdan sonra gizirlik kursunu bitirərək Xüsusi Təyinatlı Qüvvələrdə (XTQ) gizir rütbəsində hərbi xidmətini davam etdirib.

O, 2020-ci il Vətən müharibəsində Füzuli, Cəbrayıl, Zəngilan, Hadrut və Şuşa istiqamətlərində gedən döyüşlərdə xüsusi şücaət göstərib. 7 noyabr 2020-ci ildə Şuşa şəhəri uğrunda gedən döyüşlər zamanı qəhrəmancasına şəhidlik zirvəsinə ucalıb.

Azərbaycan Respublikası Prezidentinin müvafiq sərəncamları ilə ölümündən sonra "Azərbaycan Bayrağı" ordeni, "Vətən uğrunda", "Şuşanın azad olunmasına görə", "Şücaətə görə", "Cəbrayılın azad olunmasına görə" və "Xocavəndin azad olunmasına görə" medalları ilə təltif edilib.

Şəhid Musayev Sahib Musa oğlu 12 noyabr 2020-ci ildə doğulduğu Qax rayonunun Şotavar kəndində torpağa tapşırılıb. Onun xatirəsi əbədiləşdirilərək Qax şəhərinin küçələrindən birinə adı verilib.

Qeyd edək ki, şəhid ailəli idi. İki övladı Vətənə əmanət qalıb.

Anım mərasimi iştirakçıları şəhidin ailəsinə dərin ehtiramlarını ifadə edərək, qəhrəman oğullarımızın əziz xatirəsinin daim uca tutulacağını bildiriblər.

Allah bütün şəhidlərimizə rəhmət eləsin, qazilərimizə şəfa və möhkəm cansağlığı versin!

ETİHİ Qax Rayon Komitəsinin təşkilatçılığı ilə Fıstıqlı kənd məktəbinin kollektivi Qarabağa səfər edib

ETİHİ Qax Rayon Komitəsinin üzv təşkilatı olan Fıstıqlı kənd ümumi orta ümumtəhsil məktəbinin kollektivinin məzuniyyət dövrünün səmərəli təşkili məqsədilə Ağdam, Xocalı, Xankəndi və Şuşa şəhərlərinə ekskursiya təşkil olunub.

Səfər çərçivəsində iştirakçılar işğaldan azad olunmuş ərazilərdə həyata keçirilən genişmiqyaslı bərpa və quruculuq işləri ilə yaxından tanış olub, tarixi və mədəni əhəmiyyət daşıyan məkanları ziyarət ediblər. Ağdamın, Xocalının, Xankəndinin və Şuşanın yenilənən siması, müasir infrastruktur layihələri, abadlıq və tikinti işləri təhsil işçilərində dərin qürur hissi yaradıb.

İştirakçılar qeyd ediblər ki, Qarabağın yenidən dirçəlişini öz gözləri ilə görmək onlar üçün unudulmaz təəssürat olub. Doğma torpaqlarımızda aparılan quruculuq işləri, tarixi irsimizin qorunması və şəhərlərimizin sürətli inkişafı ölkəmizin qüdrətini və xalqımızın birliyini bir daha nümayiş etdirir. Bu səfər təhsil işçilərinin həm mənəvi istirahətinə, həm də Qarabağın bugünkü inkişafı ilə yaxından tanış olmalarına, Vətənə bağlılıq və milli qürur hisslərinin daha da möhkəmlənməsinə töhfə verib.

Qeyd olunub ki, ETİHİ Qax Rayon Komitəsi tərəfindən mütəmadi olaraq təşkil edilən belə ekskursiyalar təhsil işçilərinin sosial rifahının yüksəldilməsi, asudə vaxtlarının səmərəli təşkili, həmkarlar arasında ünsiyyət və həmrəyliyin gücləndirilməsi baxımından xüsusi əhəmiyyət daşıyır.

Səfər iştirakçıları işğaldan azad olunmuş ərazilərdə həyata keçirilən genişmiqyaslı bərpa və quruculuq işlərini yüksək qiymətləndirərək, Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə Qarabağ və Şərqi Zəngəzurda aparılan yenidənqurma işlərinin hər bir azərbaycanlıda böyük qürur hissi yaratdığını vurğulayıblar. Həmçinin Vətənimizin ərazi bütövlüyü uğrunda canlarını fəda etmiş şəhidlərimizin əziz xatirəsi dərin ehtiramla yad edilib, onlara Allahdan rəhmət, qazilərimizə möhkəm can sağlığı arzulanıb.

İştirakçılar təhsil işçilərinin asudə vaxtının səmərəli təşkili və belə yaddaqalan ekskursiyanın təşkilinə göstərilən diqqət və qayğıya görə Azərbaycan Həmkarlar İttifaqları Konfederasiyasına (AHİK) və ETİHİ Qax Rayon Komitəsinə səmimi təşəkkürlərini bildiriblər.

Qaxda Təhsil rəhbərlərinin yubiley tədbiri keçirilib

ETİHİ Qax Rayon Komitəsi və Şəki-Zaqatala Regional Təhsil İdarəsinin Zaqatala Rayon üzrə Təhsil Sektorunun birgə təşkilatçılığı ilə əmək fəaliyyətinin yaş həddinə çatan Qapıçay kənd ümumi orta ümumtəhsil məktəbinin direktoru Beyxan Əzizovanın və Zərnə kənd Z. Vəliyev adına tam orta ümumtəhsil məktəbinin direktoru Tamella İsmayılovanın yubiley tədbiri keçirilib.

Tədbirdə Şəki-Zaqatala Regional Təhsil İdarəsinin müdiri Günay Mahmudova, Tədrisin keyfiyyəti sektorunun müdiri Alqış Həsrətov, ETİHİ Qax Rayon Komitəsinin sədri Rübail Əfəndiyeva, Qax Rayon üzrə Təhsil Sektorunun müdiri Babək Heydərov, sektorun əməkdaşları, təhsil müəssisələrinin rəhbərləri və ictimaiyyət nümayəndələri iştirak ediblər.

Tədbirdə çıxış edən Şəki-Zaqatala Regional Təhsil İdarəsinin müdiri Günay Mahmudova və ETİHİ Qax Rayon Komitəsinin sədri Rübail Əfəndiyeva yubilyarları təbrik edərək onların uzun illər təhsil sahəsində göstərdikləri səmərəli fəaliyyəti, peşəkarlıqları, idarəçilik bacarıqları və gənc nəslin təlim-tərbiyəsindəki xidmətlərini yüksək qiymətləndiriblər.

Çıxışlarda vurğulanıb ki, Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə təhsilin inkişafı dövlət siyasətinin əsas prioritet istiqamətlərindən biridir. Təhsil işçilərinə göstərilən yüksək diqqət və qayğı, onların əməyinin layiqincə qiymətləndirilməsi və sosial rifahının yaxşılaşdırılması dövlətin təhsilə verdiyi xüsusi önəmin bariz göstəricisidir. Qeyd olunub ki, uzun illər təhsil sahəsində vicdanla çalışan insanların əməyinə dəyər verilməsi, onların yubileylərinin qeyd olunması təhsil işçilərinə göstərilən hörmət və ehtiramın ifadəsidir.

Natiqlər Beyxan Əzizova və Tamella İsmayılovanın uzunmüddətli səmərəli fəaliyyətləri ilə təhsilin inkişafına mühüm töhfələr verdiklərini, peşəkarlıqları və fədakar zəhmətləri ilə həmkarlarının rəğbətini qazandıqlarını bildirərək onlara möhkəm can sağlığı, uzun ömür və gələcək həyatlarında uğurlar arzulayıblar.

Tədbirin sonunda ETİHİ Qax Rayon Komitəsi tərəfindən yubilyarlara təltif və xatirə hədiyyələri təqdim olunub. Şəki-Zaqatala Regional Təhsil İdarəsi tərəfindən də yubilyarlara xoş arzular çatdırılıb və xatirə hədiyyələri təqdim edilib.

Sonda xatirə şəkilləri çəkdirilib.

ETİHİ Qax Rayon Komitəsinin üzv təşkilatında yubiley görüşü keçirilib

ETİHİ Qax Rayon Komitəsinin üzv təşkilatı olan Qaşqaçay kənd körpələr evi–uşaq bağçasının ittifaq üzvü Məmmədova Səadət Musa qızının 65 illik yubileyi münasibətilə görüş keçirilib.

Tədbirdə Azərbaycanın Milli Qəhrəmanı Cavanşir Rəhimovun anası Lalə xanım və Vətən müharibəsi qəhrəmanı Cavid Abdullayevin anası Pəri xanım da iştirak ediblər. Onlar yubilyar Səadət xanımı səmimi-qəlbdən təbrik edərək, ona möhkəm can sağlığı, uzun ömür, ailə səadəti və xoş günlər arzulayıblar. Qəhrəman analarının iştirakı tədbirə xüsusi səmimiyyət və mənəvi dəyər qatıb.

Görüşdə Səadət xanımın uzun illər təhsil sahəsində göstərdiyi səmərəli fəaliyyəti, peşəsinə sədaqəti, kollektivdə qazandığı hörmət və gənc nəslin tərbiyəsinə verdiyi dəyərli töhfələr yüksək qiymətləndirilib. Qeyd olunub ki, onun zəhməti və fədakar fəaliyyəti həmkarları tərəfindən hər zaman rəğbətlə qarşılanıb.

Tədbirdə ETİHİ Qax Rayon Komitəsi tərəfindən yubilyara fəxri fərman və xatirə hədiyyəsi təqdim olunub.

Sonda ETİHİ Qax Rayon Komitəsi olaraq tədbirdə iştirak edən Azərbaycanın Milli Qəhrəmanı Cavanşir Rəhimovun anası Lalə xanıma və Vətən müharibəsi qəhrəmanı Cavid Abdullayevin anası Pəri xanıma təşəkkür bildirilib, onların şəhid ailələrinin cəmiyyətdəki yüksək mənəvi dəyərini təcəssüm etdirdiyi vurğulanıb.

Hörmətli ittifaq üzvümüz Səadət xanımı 65 illik yubileyi münasibətilə bir daha ürəkdən təbrik edir, ona möhkəm can sağlığı, uzun və mənalı ömür, ailə səadəti və yeni uğurlar arzulayırıq.

Qaxda Şəhid Seydullah Məhərrəmovun şəhadətə ucalmasının 2-ci ildönümündə xatirəsi anılıb.

Qax rayonu Qorağan kəndində Vətən uğrunda canından keçən igid oğullarımızdan biri – şəhid Məhərrəmov Seydullah Sadiq oğlunun şəhadətinin ikinci ildönümü münasibətilə anım mərasimi keçirilib.

Anım mərasimində ETİHİ Qax rayon komitəsinin nümayəndələri, komitənin üzv təşkilatı olan S.Rəhimov adına Qorağan kənd tam orta məktəbinin kollektivi, şəhidin ailə üzvləri, yaxınları və ictimaiyyət nümayəndələri iştirak ediblər. Şəhidin məzarı ziyarət olunub, önünə gül dəstələri düzülüb, əziz xatirəsi bir dəqiqəlik sükutla yad edilərək ruhuna dualar oxunub.

Mərasimdə bildirilib ki, Məhərrəmov Seydullah Sadiq oğlu 30 sentyabr 1999-cu ildə Qax rayonunun Qorağan kəndində anadan olub. 2005-ci ildə S.Rəhimov adına Qorağan kənd tam orta məktəbində təhsil almağa başlayıb. 2013-cü ildən Cəmşid Naxçıvanski adına Hərbi Liseydə, daha sonra isə Heydər Əliyev adına Ali Hərbi Məktəbdə təhsilini davam etdirib. 2020-ci ildə həmin təhsil ocağını bitirərək leytenant hərbi rütbəsi ilə Azərbaycan Ordusunda xidmətə başlayıb. 2021-ci ildə Xüsusi Təyinatlı Qüvvələr kursunu uğurla başa vurub.

Seydullah Məhərrəmov 2020-ci il Vətən müharibəsində və 2023-cü il lokal antiterror tədbirlərində iştirak edərək yüksək şücaət göstərib. O, xidmətləri dövründə “Cəbrayılın azad olunmasına görə”, “Füzulinin azad olunmasına görə”, “Şuşanın azad olunmasına görə”, “Vətən müharibəsi iştirakçısı”, “Şücaətə görə” və “Hərbi xidmətdə fərqlənməyə görə” III dərəcəli medalları ilə təltif olunub.

Vətənə sədaqətlə xidmət edən Seydullah Məhərrəmov 10 iyul 2024-cü il tarixində xidməti vəzifəsini yerinə yetirərkən şəhidlik zirvəsinə ucalıb. O, doğulduğu Qorağan kənd qəbiristanlığında dəfn olunub.

Anım mərasimində çıxış edənlər şəhidlərimizin qəhrəmanlığının xalqımızın yaddaşında əbədi yaşayacağını vurğulayıb, onların ailələrinə hər zaman dövlət və cəmiyyət tərəfindən xüsusi diqqət və qayğı göstərildiyini bildiriblər.

Allah bütün şəhidlərimizə rəhmət eləsin!

ETİHİ Qax rayon komitəsinin dəstəyi ilə Zəyəm məktəbinin kollektivi Şuşa və Xankəndiyə səfər edib

ETİHİ Qax rayon komitəsinin dəstəyi ilə Əmran Cabbaroğlu adına Zəyəm kənd tam orta ümumtəhsil məktəbinin kollektivinin məzuniyyət dövründə asudə vaxtının səmərəli təşkili məqsədilə Şuşa və Xankəndi şəhərlərinə səfəri təşkil olunub.

Səfər çərçivəsində kollektiv işğaldan azad olunmuş ərazilərdə həyata keçirilən genişmiqyaslı bərpa, abadlıq və quruculuq işləri ilə yaxından tanış olub. İştirakçılar Şuşa və Xankəndidə aparılan yenidənqurma prosesini, müasir infrastruktur layihələrini, tarixi-mədəni irsin bərpası istiqamətində görülən işləri böyük maraq və qürur hissi ilə izləyiblər.

Səfər iştirakçıları bu unudulmaz səfərin təşkilinə göstərilən diqqət və dəstəyə görə AHİK-ə, ETİHİ Respublika Komitəsinə və ETİHİ Qax rayon komitəsinə səmimi təşəkkürlərini ifadə ediblər.

Kollektiv xalqımıza Tarixi Zəfəri bəxş edən, Qarabağda və işğaldan azad olunmuş digər ərazilərdə həyata keçirilən genişmiqyaslı bərpa, abadlıq və quruculuq işlərinə rəhbərlik edən Müzəffər Ali Baş Komandan, Azərbaycan Respublikasının Prezidenti cənab İlham Əliyevə dərin minnətdarlıqlarını və ehtiramlarını bildirib.

Sonda şəhidlərimizin əziz xatirəsi dərin ehtiramla yad edilib, Allahdan şəhidlərimizə rəhmət, qazilərimizə isə şəfa və möhkəm cansağlığı dilənib.

ETİHİ Qax rayon komitəsinin dəstəyi ilə Aşağı Malax məktəbinin kollektivi Qax Rezident İstirahət Mərkəzində istirahət edib

EETİHİ Qax rayon komitəsinin dəstəyi ilə Aşağı Malax məktəbinin kollektivi Qax Rezident İstirahət Mərkəzində istirahət edib

ETİHİ Qax rayon komitəsinin dəstəyi ilə Aşağı Malax kənd ümumi orta ümumtəhsil məktəbinin kollektivi asudə vaxtının səmərəli təşkili məqsədilə Qax Rezident İstirahət Mərkəzinə səfər edib.

Səfərin məqsədi pedaqoji kollektivin istirahətinin səmərəli təşkili, əməkdaşlar arasında həmrəyliyin möhkəmləndirilməsi və bölgənin füsunkar təbiəti ilə yaxından tanışlıq olub.

Səfər iştirakçıları bu xoş və yaddaqalan səfərin təşkilində göstərilən diqqət və dəstəyə görə AHİK-ə, ETİHİ Respublika Komitəsinə və ETİHİ Qax rayon komitəsinə dərin təşəkkürlərini ifadə ediblər.

Kollektiv ölkəmizdə həyata keçirilən davamlı inkişaf, sabitlik və quruculuq siyasətinə görə Azərbaycan Respublikasının Prezidenti cənab İlham Əliyevə dərin minnətdarlığını və ehtiramını bildirib.

ETİHİ Qax rayon komitəsinin dəstəyi ilə Qaradolaq kənd ümumi orta ümumtəhsil məktəbinin kollektivi Zaqatala rayonuna səfər edib.

ETİHİ Qax rayon komitəsinin dəstəyi ilə Qaradolaq kənd ümumi orta ümumtəhsil məktəbinin kollektivi asudə vaxtının səmərəli təşkili məqsədilə Zaqatala rayonuna, Turangöl İstirahət Mərkəzinə səfər edib.

Səfərin məqsədi pedaqoji kollektivin istirahətinin səmərəli təşkili, əməkdaşlar arasında həmrəyliyin möhkəmləndirilməsi və bölgənin füsunkar təbiəti ilə yaxından tanışlıq olub.

Səfər iştirakçıları bu xoş və yaddaqalan səfərin təşkilində göstərilən diqqət və dəstəyə görə AHİK-ə, ETİHİ Respublika Komitəsinə və ETİHİ Qax rayon komitəsinə dərin təşəkkürlərini ifadə ediblər.

Kollektiv ölkəmizdə həyata keçirilən davamlı inkişaf, sabitlik və quruculuq siyasətinə görə Azərbaycan Respublikasının Prezidenti cənab İlham Əliyevə dərin minnətdarlığını və ehtiramını bildirib.